Að minnsta kosti fimm sjómannafélög hafa rætt sín á milli um sameiningu undanfarna mánuði. Um er að ræða Sjómannafélag Eyjafjarðar, Sjómanna- og vélstjórafélag Grindavíkur, Sjómannafélag Íslands, Sjómannafélag Hafnarfjarðar og Sjómannafélagið Jötun, að því er fram kemur í tilkynningu á Facebook-síðu Sjómannafélags Íslands.

Segir þar að viðræðurnar hafi skilað þeim árangri að farið sé að sjást til lands.

„Getum sameinað krafta okkar“

„Við munum því halda ótrauðir áfram og vonandi getum við lagt af stað í kynningu á því hvernig væntanlegt félag muni líta út eftir ekki svo langan tíma. Það verða jú auðvitað félagsmenn þessara félaga sem eiga síðasta orðið í því hvort af þessu verður eða ekki,“ segir í tilkynningunni.

„Markmið sameiningar er að búa til stórt og öflugt félag til að standa að baki sjómönnum þessa lands. Með þessu móti getum við sameinað krafta okkar og þannig skapað grundvöll til að setja gríðarlega innspýtingu [í] allt okkar starf, ekki síst þær kjarasamningsviðræður sem framundan eru við Samtök fyrirtækja í sjávarútvegi.“

Tengdar fréttir

Kjaramál sjómanna

„Þetta er hrein og klár misnotkun“

• Sjómönnum tryggt 54% meira fyrir þorskinn
• „Er þetta réttlát skipting?“
• „Nóg er komið af rugli og misskilningi“
• Níu ára stöðugleikaskeið í kjaramálum sjómanna

» Fleiri tengdar fréttir

• Blogga um frétt