Fundur hefur staðið yfir í morgun í atvinnuveganefnd Alþingis um laxeldið í landinu. Fundurinn stendur enn yfir en Halla Signý Kristjánsdóttir, þingmaður Framsóknarflokksins, óskaði eftir fundi í nefndinni í lok síðasta mánaðar í kjölfar þess að úrskurðarnefnd umhverfis- og auðlindamála felldi úr gildi starfsleyfi tveggja laxeldisfyrirtækja á Vestfjörðum.

Frétt af mbl.is

Kynnti frumvarp um laxeldið

Halla Signý óskaði eftir því að á fundinn í atvinnuveganefnd yrðu boðaðir fulltrúar frá umhverfisráðuneytinu, sjávarútvegsráðuneytinu og Matvælastofnun en gestir hafa verið á fundinum í morgun. Þegar óskin um fundinn kom fram sagði Lilja Rafney Magnúsdóttir, formaður nefndarinnar og þingmaður Vinstri hreyfingarinnar - græns framboðs, að hún teldi rétt að bíða með það að funda þar til ljóst væri til hvaða aðgerða stjórnvöld ætluðu að grípa til enda lægi fyrir að málið væri til umfjöllunar á þeim vettvangi.

Kristján Þór Júlíusson, sjávarútvegs- og landbúnaðarráðherra, lagði fram frumvarp á ríkisstjórnarfundi í gær um breytingar á lögum um fiskeldi þess efnis að ráðherra fái heimild til þess að veita rekstrarleyfi til bráðabirgða við ákveðnar aðstæður. Frumvarpið var kynnt í þingflokkum stjórnarflokkanna í gær og var sent öðrum þingflokkum í morgun. Búist er við að frumvarpið verði lagt fram á þingi við fyrsta tækifæri og áhersla lögð á skjóta afgreiðslu þess.

Tengdar fréttir

Fiskeldi

First Water leigir húsnæði Ísfélagsins

• Gjald á sjókvíaeldi hækkar um 46%
• Vantar stöðugleika í framboði af laxi
• Frestuðu slátrun til að hámarka verð
• Ræða sjókvíaeldið fyrir opnum dyrum

» Fleiri tengdar fréttir

• Blogga um frétt