Færri en 4.981 fiskur hafi sloppið í júlí
Setja bókamerki
Líklegt er talið að í slysasleppingunni, sem átti sér stað í sjókví Fjarðalax í Tálknafirði í júlí, hafi færri en 4.981 fiskur sloppið. Þetta er áætlun Matvælastofnunar í kjölfar þess að sláturtölur fyrirtækisins bárust stofnuninni.
Ekki allur dauður fiskur talinn
Í tilkynningu frá Matvælastofnun segir að alls hafi verið áætlað að 152.916 eldislaxar væru í sjókví Fjarðalax í Tálknafirði áður en slysasleppingin átti sér stað. Samkvæmt sláturtölum sem stofnuninni hafi borist hafi 143.284 fiskum verið slátrað, og ef frá séu talin skráð afföll sé misræmi í tölum fyrirtækisins upp á 4.981 fisk.
Matvælastofnun geti þó ekki áætlað hve margir fiskar hafi raunverulega sloppið vegna ýmissa óvissuþátta í eldisferlinu. Ekki sé allur dauður fiskur talinn og því líklegt að slysasleppingin hafi verið umfangsminni en ofangreind tala upp á 4.981 fisk gefur til kynna.
Um 300 fiskar hafi sloppið
Fjarðalax, sem er í eigu Arnarlax, metur það svo að um 300 fiskar hafi sloppið og er matið byggt á tölum um endurveiði, skekkju í talningarbúnaði, fóðurnýtingu á eldistímanum og stærri afföllum.
Matvælastofnun tekur fram í tilkynningu sinni að hún geti ekki sannreynt niðurstöður fyrirtækisins. Ljóst sé að slysaslepping átti sér stað en vegna óvissuþátta geti stofnunin ekki fullyrt um nákvæman fjölda fiska sem sluppu.
Börnum mismunað eftir búsetu á Íslandi
„Það er stutt á milli stórra atburða“
Foreldrar skilja ekki einkunnir barna sinna
Joe Biden: Slakur námsmaður sem varð forseti
Óráðleg og afdrifarík ákvörðun skólayfirvalda
Leitaði föður síns í kolröngu landi
Myndskeið: Rýkur úr sprungu sem klýfur Hagafell
Ávinna sér réttindi þrátt fyrir flutninga