Vel á annað hundrað manns hafa óskað eftir að stjórn Sjómannafélags Íslands boði innan sólarhrings til félagsfundar, í ljósi grafalvarlegrar stöðu félagsins. Þetta kemur fram í tilkynningu sem send hefur verið 200 mílum.

Um er að ræða undirskriftalista sem sjá má á vefnum Ísland.is, en þar er lögmæti undirskriftar kannað jafnóðum enda kerfið hannað til að geta haldið utan um undirskriftasafnanir hvers konar.

Heiðveig verði boðuð á fundinn

Lestu meira

Ásakanir Heiðveigar ekki eina ástæðan

Þess er sérstaklega óskað að Heiðveig María Einarsdóttir, formannsframbjóðandi sem vikið var úr félaginu vegna ásakana á hendur stjórn félagsins, verði boðuð á fundinn vegna óljóss lögmætis brottvikningarinnar.

Enn fremur er lagt til að fenginn verði óháður og vanur fundarstjóri til að stjórna fundinum, þar sem búast megi við átakamiklum fundi. Lagt er til að Einar Gautur Steingrímsson lögmaður verði fenginn til að sinna því verki.

Þá er þess óskað að ráðstafanir verði gerðar til að félagsmenn sem búa fjarri höfuðborginni og/eða séu á sjó geti tekið þátt á fundinum með fjarfundartækni og að fengið verði upplýsingatæknifyrirtæki á borð við Advania til að stýra tæknimálum er varða fjarfundarbúnað og rafræna kosningu.

Hafi tveggja sólarhringa fyrirvara

Einnig er stjórnin beðin um að hafa tveggja sólarhringa fyrirvara í fundarboðinu og er vísað til 19. greinar laga félagsins, sem hljóðar svo: 

„Félagsfundur skal haldinn þegar stjórnin álítur tilefni til eða ef að minnsta kosti 100 félagsmenn óska þess skriflega enda sé um leið gerð grein fyrir verkefni slíks fundar. Félagsfundur er lögmætur ef löglega er til hans boðað. Til fundar skal boða með tveggja sólarhringa fyrirvara. Ef félagsfundur er haldinn undir sérstökum kringumstæðum og tveir sólarhringar ekki liðnir frá því að fundur var boðaður ber í upphafi fundar að leita samþykkis fundarmanna um að fundurinn skuli teljast lögmætur. Félagsfundur getur ekki ákvarðað fjárhagsskuldbindingar.“

Á vef undirskriftalistans segir þá:

„Okkur, sem setjum nafn okkar á þennan undirskriftarlista, finnst mikilvægt að félagsfundur komi saman í því skyni að félagsmenn geti tekið afstöðu til þess hver séu gildandi lög félagsins og leiðbeint stjórn Sjómannafélags Íslands í því efni áður en lengra er haldið. Máli okkar til stuðning vísum við til réttmætisreglunnar og til mikilvægis þess að ekki leiki vafi á gildandi lögum í félaginu.“

Frétt af mbl.is

Fordæma brottrekstur Heiðveigar

Tengdar fréttir

Kjaramál sjómanna

„Þetta er hrein og klár misnotkun“

• Sjómönnum tryggt 54% meira fyrir þorskinn
• „Er þetta réttlát skipting?“
• „Nóg er komið af rugli og misskilningi“
• Níu ára stöðugleikaskeið í kjaramálum sjómanna

» Fleiri tengdar fréttir

• Blogga um frétt