HB Grandi hættir með öryggisstjóra
Setja bókamerki
HB Grandi hefur lagt niður stöðu öryggisstjóra og um leið sagt upp Snæfríði Einarsdóttur, sem fengin var til að gegna stöðunni er henni var fyrst komið á fót árið 2016.
Þetta staðfestir Snæfríður í samtali við 200 mílur, en hún lét af störfum í septembermánuði.
„Nýir eigendur hafa tekið við og þeim fylgja breyttar áherslur,“ segir hún.
Sem öryggisstjóri heyrði Snæfríður beint undir forstjóra, en Guðmundur Kristjánsson tók við því starfi í júlí síðastliðnum eftir að hafa keypt stóran hlut í útgerðinni í gegnum félag sitt Brim, sem nú nefnist Útgerðarfélag Reykjavíkur.
Markmið með starfi öryggisstjóra var að samræma öryggis- og vinnuverndarmál á vinnustöðvum HB Granda og lækka slysatíðni starfsmanna fyrirtækisins, að því er fram kom í viðtali 200 mílna við Snæfríði í desember árið 2016.
Fiskifréttir greindu fyrst frá málinu, en í umfjöllun þeirra segir að flest stærstu sjávarútvegsfyrirtæki landsins hafi á að skipa öryggisstjóra.
Ótímabundin leyfi verði líklega ekki gefin út
Fólk í kosningateymi Höllu fékk milljónir frá OS
„Fólk þolir óvissu í ákveðinn tíma“
Olíufélögin fái milljarða í afslátt frá borginni
Verkfallsaðgerðir á Keflavíkurflugvelli samþykktar
„Eyddi nánast allri nóttina í þetta“
Ráðherrar taki „lúku úr ríkiskassanum“
Móðirin sögð hafa játað að verða syni sínum að bana
