Draga ráðgjöfina til baka

Ráðgjöf fyrir veiðar á úthafskarfa, sem birt var á vef Hafrannsóknastofnunar í gær og Morgunblaðið greindi frá í dag, hefur verið dregin til baka.

Samkvæmt ráðgjöfinni skyldu veiðar ekki stundaðar á stofnum efri og neðri úthafskarfa.

Frétt af mbl.is

Engar veiðar á úthafskarfa næstu þrjú ár

Ástæða þess að ráðgjöfin hefur nú verið dregin til baka mun vera sú, að gerðar hafi verið alvarlegar athugasemdir við vinnsluferli stofnmats og ráðgjafarinnar innan Alþjóðahafrannsóknaráðsins, sem upphaflega gaf ráðgjöfina út á föstudag. 

Leiðangrar til að meta stærð stofnsins hafa verið farnir annað hvert ár frá árinu 1999, síðast árið 2018. Niðurstöður þessara leiðangra sýna að stofnarnir hafa minnkað mikið allt tímabilið.

Ekki hefur verið samkomulag milli veiðiþjóða um skiptingu afla um langt skeið. Jafnframt hefur verið ágreiningur um stofngerð og telja Rússar að í Grænlandshafi sé einungis einn stofn og að ástandið sé mun betra en ICES hefur talið. Hafa þeir því úthlutað veiðiheimildum til rússneskra skipa í samræmi við það og þær heimildir verið langt umfram ráðlagðan heildarafla.

• Blogga um frétt