Enn er beðið eftir hvalveiðaskýrslu
Setja bókamerki
Ný skýrsla um þjóðhagsleg áhrif hvalveiða, sem sjávarútvegsráðherra óskaði eftir og átti að liggja fyrir í október, hefur ekki skilað sér.
Þetta staðfestir upplýsingafulltrúi atvinnuvega- og nýsköpunarráðuneytisins, Þórir Hrafnsson, í samtali við mbl.is, og segir ráðuneytið hafa ýtt á eftir Hagfræðistofnun Háskóla Íslands að skila skýrslunni.
Síðasta skýrsla þessa efnis var gefin út 2010 og var niðurstaðan sú að þjóðhagslega hagkvæmt teldist að halda hvalveiðum áfram. Fimm ára hvalveiðitímabili sem hófst árið 2013 þegar þáverandi sjávarútvegsráðherra, Sigurður Ingi Jóhannsson, úthlutaði hvalveiðikvóta til Hvals hf., en hvalveiðitímabilið í sumar var það síðasta á tímabilinu.
Katrín Jakobsdóttir forsætisráðherra gaf það út í sumar að ákvörðun um úthlutun nýrra hvalveiðileyfa yrði ekki gefin út fyrr en úttekt á umhverfisáhrifum, dýraverndunarsjónarmiðum, samfélagslegum áhrifum og áhrifum á íslenskt efnahagslíf hefði verið gerð.
Samkvæmt upplýsingum frá Hagfræðistofnun Háskóla Íslands er skýrslan langt komin og er von á henni í kring um áramót.
Viðræður ekkert þokast frá því á þriðjudag
Þarf að koma til móts við ólíkar þarfir lækna
Ása Ellerup flutt út og ætlar að selja húsið
Hulda saksóknari: „Tökum þetta ekki til greina“
Ekki vandamál að vera karlmaður
„Höfum sloppið bærilega með skaða af þessu gosi“
Í kappi við tímann að reyna að afstýra verkfalli
Reiðubúin að aflýsa verkföllum í fjórum leikskólum