Frumvarp Kristjáns Þórs Júlíussonar, sjávarútvegs- og landbúnaðarráðherra, til nýrra laga um veiðigjöld hefur verið samþykkt á Alþingi með 32 atkvæðum. Sextán þingmenn greiddu atkvæði gegn frumvarpinu og tíu sátu hjá.

Þriðju umræðu um frum­varpið lauk á Alþingi í gær­kvöldi en at­kvæðagreiðslu var þá frestað.

Með frumvarpinu breytist álagn­ing veiðigjalda og hún færð nær í tíma, til að veiðigjöldin geti betur end­ur­speglað af­komu út­gerðar­inn­ar. Álagn­ing­in verður byggð á árs­göml­um gögn­um í stað um tveggja ára eins og nú. Þá verður veiðigjalds­nefnd lögð niður og úr­vinnsla gagna og álagn­ing færð til rík­is­skatt­stjóra, samkvæmt frumvarpinu.

Meiri­hluti at­vinnu­vega­nefnd­ar lagði til að frum­varpið yrði samþykkt óbreytt eins og það var af­greitt eft­ir aðra umræðu. Nefnd­ar­menn fjög­urra flokka stjórn­ar­and­stöðu lögðust gegn frum­varp­inu og vildu að nú­ver­andi lög yrðu fram­lengd um eitt ár.

Tengdar fréttir

Veiðigjöld

„Er þetta réttlát skipting?“

• Þriðjungi meira í veiðigjöld
• Veiðigjöld tóku breytingum
• Greiddu rúma 10 milljarða í veiðigjöld
• 7,9 milljarða í veiðigjöld á 9 mánuðum

» Fleiri tengdar fréttir

• 1 blogg um fréttina

Bloggað um fréttina

• Jóhannes Laxdal Baldvinsson: Útgerðin vill borga veiðigjöld