Samkeppniseftirlitið hefur komist að þeirri niðurstöðu að ekki séu forsendur til að aðhafast frekar í athugun á því hvort að breyting hafi átt sér stað á yfirráðum í HB Granda í skilningi 17. gr. samkeppnislaga við kaup Brims hf., nú Útgerðarfélags Reykjavíkur, á eignarhlutum í félaginu fyrr á þessu ári.

Þetta kemur fram í tilkynningu frá HB Granda, þar sem segir að stofnunin hafi látið málið niður falla, en það hefur verið í athugun frá 6. júlí á þessu ári. Tekið er fram að HB Granda hafi verið tilkynnt þessi ákvörðun með bréfi frá Samkeppniseftirlitinu, og efni þess kynnt á stjórnarfundi HB Granda fyrr í dag.

Greint var frá því í septembermánuði að eftirlitið hefði gert al­var­leg­ar at­huga­semd­ir við viðskipta­hætti Guðmund­ar Kristjáns­son­ar, aðal­eig­anda Útgerðarfélags Reykjavíkur og forstjóra HB Granda.

Fréttablaðið sagðist þá hafa bréf Samkeppniseftirlitsins undir höndum og að þar kæmi fram, að ef frummat stofn­un­ar­inn­ar reyndist á rök­um reist þá væri um að ræða „al­var­leg brot“ á sam­keppn­is­lög­um. Í bréfinu væri meðal annars fullyrt að leiða kynni til brota á sam­keppn­is­lög­um að aðal­eig­andi Útgerðarfélags Reykjavíkur væri jafnframt for­stjóri HB Granda. Guðmund­ur tók við sem for­stjóri HB Granda í júní eft­ir kaup í útgerðinni í gegnum ÚR í vor.

Frétt af mbl.is

Grunaður um alvarlegt brot á samkeppnislögum

Tengdar fréttir

Kaup HB Granda á Ögurvík

Heimilar kaup HB Granda á Ögurvík

• Kaup HB Granda á Ögurvík samþykkt
• „Kemur mér ekki á óvart“
• Kaupin hagfelld, séu forsendur raunhæfar
• Kaupin verða metin að nýju

» Fleiri tengdar fréttir

Brim

Stærsta skip flotans heitir nú Þerney

• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns

» Fleiri tengdar fréttir

• 1 blogg um fréttina

Bloggað um fréttina

• Jóhannes Laxdal Baldvinsson: Guðmundur ræður engu hjá Granda