Afbrigði af veiru sem fannst í laxaseiðum úr íslenskum hrognum í laxeldisstöð á vesturströnd Bandaríkjanna varð til þess að yfirvöld ákváðu að láta farga 800 þúsund seiðum.

Umrædd veira, PRV, er algeng í laxi um allan heim, þar á meðal á Íslandi, bæði í villtum laxi og eldisfiski, en hefur aldrei valdið sjúkdómum hér svo vitað sé.

Stofnfiskur hefur selt Cooke-laxeldisstöðinni í nágrenni Rochester í Washington-ríki hrogn í nokkur ár, síðast í vor. PRV-veira fannst í fiskinum í sumar, afbrigði sem ekki hefur áður verið greint á þessum slóðum. Þess vegna fyrirskipuðu stjórnvöld slátrun á seiðunum þótt þau væru heilbrigð, að því er fram kemur í umfjöllun um mál þetta í Morgunblaðinu í dag.

Í fréttatilkynningu sem Stofnfiskur hefur sent frá sér vegna umfjöllunar í erlendum fréttamiðlum um málið kemur fram að PRV-veiran hjá Cooke kunni að eiga uppruna sinn í hrognum frá Íslandi.

Tengdar fréttir

Fiskeldi

Strokulaxar setja mark sitt á laxveiðiár

• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám
• Stefna á slátrun úr kvíum í Dýrafirði í haust

» Fleiri tengdar fréttir