Ferðamenn opnað nýja markaði

Vöxtur ferðaþjónustu og sífellt harðari straumur ferðamanna hingað til lands hafa haft í för með sér stóraukinn fjölda flugferða til og frá landinu. Þessar flugferðir hafa kynnt til sögunnar tækifæri fyrir útflytjendur til að ná til markaða sem annars væru ekki á þeirra færi. Íslenskir fiskútflytjendur hafa þannig gripið þau tækifæri sem felast í betri flugtengingum við umheiminn, og þá einkum á þeim áfangastöðum sem flogið er til allt árið um kring.

Gerðar hafa verið rannsóknir á sambandi flugtenginga og sölu á íslenskum fiski og í greiningu Sjávarklasans kom í ljós að þegar byrjað var að fljúga beint til Kanada bættist þar við nýr og góður markaður.

„Þetta stærra leiðakerfi flugfélaganna hefur opnað nýja markaði fyrir ferska fiskinn, og þá sérstaklega í Bandaríkjunum,“ segir dr. Jón Þránd­ur Stef­áns­son, yf­ir­maður grein­inga hjá Sea Data Center, í samtali við 200 mílur í ViðskiptaMogganum í dag.

„En að sama skapi þýðir það að óróleikinn í kringum rekstur WOW Air og óvissan um framtíð þessa flutningsnets geta haft áhrif á uppbyggingu þessara fyrirtækja á mörkuðum.“

Frétt af mbl.is

Blikur á lofti yfir Bretlandi