Samstarf um loðnuleit

Verið er að und­ir­búa rann­sókn­ar­leiðang­ur þar sem 2-4 fiski­skip munu taka þátt í loðnu­mæl­ing­um ásamt rann­sókna­skip­inu Árna Friðriks­syni nú í janú­ar. 

Fram kem­ur á vef Síld­ar­vinnsl­unn­ar, að samstarf upp­sjáv­ar­út­gerða og Haf­rann­sókna­stofn­un­ar varðandi loðnu­rann­sókn­ir hafi verið mjög gott und­an­far­in ár.  Sam­starfið snústi um fram­kvæmd loðnu­mæl­inga og það sé ljóst að þetta sam­starf hafi skilað góðum ár­angri und­an­far­in ár.

Þá kem­ur fram, að stjórn­völd hafi árið 2015 samþykkt nýja afla­reglu fyr­ir loðnu sem nú hafi verið notuð í nokk­ur ár við út­hlut­un afla­marks. Með nýju regl­unni sé tekið til­lit til þátta sem ekki hafi verið gert með sama hætti áður. „Þeir eru óvissa í berg­máls­mæl­ing­um ásamt afráni á loðnu frá mæl­ingu að hrygn­ingu og er regl­unni ætlað að tryggja með 95% vissu að hrygn­ing­ar­stofn­inn fari ekki und­ir 150 þúsund tonn.“

Enn­frem­ur seg­ir, að með þess­ari nýju afla­reglu hafi strax verið ljóst að stór­auka þyrfti fjár­magn til loðnu­rann­sókna. 

Þær rann­sókn­ir þurfa að snúa ann­ar­s­veg­ar að loðnu­stofn­in­um og hins veg­ar að því afráni sem metið er á stofn­in­um. Haf­rann­sókna­stofn­un hef­ur verið fjár­svelt und­an­far­in ár og ekki hef­ur fylgt með fjár­magn til að mæta þörf fyr­ir aukn­ar rann­sókn­ir.  Nú­ver­andi ráðherra jók fjár­magn til loðnu­rann­sókna um 150 millj­ón­ir króna á næsta ári sem er já­kvætt og er það  í fyrsta skipti í mörg ár sem mál­inu er sýnd­ur skiln­ing­ur.

Það er ljóst að sam­stillt átak út­gerða og Haf­rann­sókna­stofn­un­ar þarf til að ná utan um þess­ar mæl­ing­ar. Útgerðir hafa leit­ast við að koma upp mæli­búnaði í sín­um skip­um sam­bæri­leg­um þeim búnaði sem skip Haf­rann­sókna­stofn­un­ar eru með til að nýta megi þau til mæl­inga.  Haf­rann­sókna­stofn­um kvarðar mæl­ana og er með vís­inda­fólk um borð í fiski­skip­un­um við mæl­ing­ar,“ seg­ir á vef Síld­ar­vinnsl­unn­ar.

„Núna er í und­ir­bún­ingi rann­sókn­ar­leiðang­ur í janú­ar þar sem 2-4 fiski­skip munu taka þátt í loðnu­mæl­ing­um ásamt rann­sókna­skip­inu Árna Friðriks­syni.  Menn munu vakta veður­spár og fara af stað þegar aðstæður leyfa.

Verk­efnið vegna  kom­andi vertíðar hófst í des­em­ber með leiðangri sem Heima­ey VE fór í, og varð þá vart við tölu­vert af loðnu á hefðbundn­um slóðum norður af Húna­flóa og út af Vest­fjörðum. Auk þess hef­ur borist tölu­vert af loðnu­frétt­um frá tog­ur­um bæði af Digra­nes­flaki og Vest­fjarðamiðum.“

<a href="http://svn.is/index.php?option=com_content&amp;view=article&amp;id=1479:samstarf-um-lodhnuleit-skiptir-miklu-mali-bjartsyni-fyrir-komandi-vertidh&amp;catid=111&amp;Itemid=101" target="_blank">Nánar á vef Síldarvinnslunnar. </a>