Alls vantar Hafrannsóknastofnun 234 milljónir króna upp á til að hægt sé að halda úti óbreyttum rekstri.

Vegna hagræðingarkröfu í fjárlögum nemur niðurskurður hjá stofnuninni 84 milljónum króna auk þess sem 150 milljónum króna minna kemur til rekstrarins úr verkefnasjóði sjávarútvegsins en sá sjóður fær tekjur af afla sem útgerðir eiga ekki kvóta fyrir.

„Við erum að vona að einhver lausn finnist á þessu og erum að vinna að því með ráðuneytinu. Ef það gerist ekki erum við í verulega vondum málum,“ segir Sigurður Guðjónsson, forstjóri Hafrannsóknastofnunar. Hann bendir á að meginhluti kostnaðar sé fastakostnaður, svo sem til að halda úti tveimur rannsóknarskipum. Staðan var kynnt á fundi með starfsfólki í morgun en RÚV greindi fyrst frá málinu.

Tengdar fréttir

Hafrannsóknastofnun

Ný bók um atlantshafsþorskinn

• Héldu í 34 daga uppsjávarleiðangur
• Fátt kom á óvart
• Ráðgjöfin sögð æra óstöðugan
• Þorskstofninn fari hægt minnkandi

» Fleiri tengdar fréttir

• 1 blogg um fréttina

Bloggað um fréttina

• Jóhannes Laxdal Baldvinsson: Hafró í vondum málum.