„Hvernig í ósköpunum stendur á því að svona nokkuð spyrst fyrst út núna?“ spyr Sigurgeir Brynjar Kristgeirsson, framkvæmdastjóri Vinnslustöðvarinnar í Vestmannaeyjum, og vísar til fregna af væntanlegum niðurskurði Hafrannsóknastofnunar.

„Nú hljótum við í sjávarútveginum og aðrir landsmenn að ganga eftir skýringum á því að Hafrannsóknastofnun er fréttaefni í fyrstu viku nýs árs vegna þess að gríðarlegt gap blasir þar við milli tekna og útgjalda,“ er haft eftir framkvæmdastjóranum á vef útgerðarinnar.

200 mílur greindu í gær frá því að allt að tutt­ugu starfs­mönn­um Haf­rann­sókna­stofn­un­ar, á skip­um og á landi, verður sagt upp fyr­ir lok þessa mánaðar, verði hagræðing­ar­kröfu stjórn­valda haldið óbreyttri.

Frétt af mbl.is

Allt að tuttugu sagt upp fyrir mánaðamót

„Talað er um að draga þurfi saman í rekstri, leggja skipi, fækka sjóferðum annarra skipa og segja upp starfsfólki til sjós og lands. Þetta kemur upp á yfirborðið einum mánuði eftir að Alþingi samþykkti fjárlög ríkisins fyrir árið 2019,“ segir Sigurgeir Brynjar, jafnan kallaður Binni í Vinnslustöðinni.

„Og hvernig í ósköpunum má það vera að ástandið sé með þessum hætti þegar ríkið hafði líklega meiri beinar tekjur af sjávarútvegi á árinu 2018 en nokkru sinni fyrr, veiðigjöldin ein og sér skiluðu ríkissjóði tvöfalt meiru en kostar að reka Hafrannsóknastofnun og tekjur af veiðigjöldum eru að hluta „eyrnamerktar“ hafrannsóknum?“

Tengdar fréttir

Hafrannsóknastofnun

Ný bók um atlantshafsþorskinn

• Héldu í 34 daga uppsjávarleiðangur
• Fátt kom á óvart
• Ráðgjöfin sögð æra óstöðugan
• Þorskstofninn fari hægt minnkandi

» Fleiri tengdar fréttir

• Blogga um frétt