Grafalvarlegt mál ef um „fréttafölsun“ er að ræða
Setja bókamerki
„Það er engin spurning að þetta er grafalvarlegt mál eins og Elín Björg lýsir málavöxtum,“ segir Páll Magnússon, alþingismaður og fyrrverandi útvarpsstjóri.
Eins og Morgunblaðið hefur greint frá hefur Elín Björg Ragnarsdóttir, fyrrverandi framkvæmdastjóri Samtaka fiskframleiðenda og útflytjenda, sent erindi til siðanefndar RÚV vegna framgöngu fréttaskýringarþáttarins Kastljóss árið 2012.
/frimg/1/10/82/1108237.jpg)
Elín er ósátt við að viðtal sem tekið var við hana þar sem hún ræddi almennt um samkeppnislega mismunun í innlendri fiskvinnslu og nauðsyn aðskilnaðar veiða og vinnslu var ekki birt en síðar notað í umfjöllun þáttarins um meint brot Samherja á gjaldeyrislögum. Vill hún meina að látið hafi verið að því liggja að hún væri að tjá sig um málefni Samherja, en það mál var ekki komið upp þegar viðtalið var tekið.
Elín kveðst hafa sent útvarpsstjóra, Kastljósinu og fréttastofu RÚV tölvupóst þar sem hún hafi lýst óánægju með þessa „misnotkun“ á viðtalinu en aldrei fengið nein svör. Sigmar Guðmundsson, þáverandi ritstjóri Kastljóssins, sagði í gær að liðsmenn Kastljóss hefðu árangurslaust reynt að ná sambandi við Elínu í kjölfar erindis hennar.
„Ef lýsing Elínar Bjargar sem fram kemur í þessari blaðagrein er rétt, að klippt hafi verið saman viðtöl um allt annað efni en var til umfjöllunar, þá er um hreina fréttafölsun að ræða. Það er auðvitað grafalvarlegt mál. Það ber þó að hafa í huga að ég hef ekki enn séð andsvör þeirra sem um þetta véluðu á sínum tíma,“ segir Páll.
„Hún vísar til þess að hafa sent mér sem útvarpsstjóra tölvupóst um þetta mál. Ég verð því miður að segja að þó ég ætti lífið að leysa þá man ég ekki eftir þessum tölvupósti. Það felur ekki í sér neina staðhæfingu um að hann hafi ekki verið sendur, ég geri ráð fyrir að þetta sé allt hárrétt. Ég verð bara að játa að ég man ekkert eftir honum. Mér þykir það í sjálfu sér leitt vegna þess að þessi atvikalýsing hennar hefði að minnsta kosti gefið tilefni til þess að ég, sem útvarpsstjóri, kallaði eftir svörum um málið.“
Grunur um manndráp?
Virkni á tveimur svæðum: Eldgosið í jafnvægi
Hættustig í gildi vegna eldgossins
Háskólanemar utan EES borgi
Hraunflæði að Grindavíkurvegi virðist hafa stöðvast
Mikill viðbúnaður vegna árásar í miðborginni
Menningarnótt lauk með hvelli
Þrjú hús rýmd vegna aurskriðu á Húsavík