„Ætlar ríkisstjórnin á ný að gefa út ný veiðileyfi og kvóta til veiða á langreyðum í lögsögu Íslands?“ spurði Inga Sæland, formaður Flokks fólksins, á Alþingi í dag og beindi fyrirspurn sinni til Katrínar Jakobsdóttur forsætisráðherra.

Inga benti á að árið 2018 hafi verið síðasta árið af fimm ára tímabili þar sem kvótar til veiða á langreyðum hefðu verið gefnir út af stjórnvöldum. „Ef halda á áfram veiðunum úr þessum hvalveiðistofni á komandi sumri verður ríkisstjórnin að gefa út ný veiðileyfi og kvóta vart seinna en nú í sumarbyrjun,“ sagði Inga.

Frétt af mbl.is

Hafa ekki haft neikvæð efnahagsáhrif

Hún vitnaði í skýrslu Hagfræðistofnunar Háskóla Íslands um þjóðhagsleg áhrif hvalveiða og sagði að þar væri niðurstaðan meðal annars sú að hvalveiðar skaði ekki íslenskt efnahagslíf. 

Katrín Jakobsdóttir forsætisráðherra. mbl.is/Eggert Jóhannesson

Katrín sagði að ljóst væri að flokkarnir í ríkisstjórn, VG, Sjálfstæðisflokkur og Framsóknarflokkur, hafi ólíka sýn á hvalveiðar og um þær sé ekki fjallað sérstaklega í stjórnarsáttmála.

Hún sagði að skýrsla Hagfræðistofnunar Háskóla Íslands hefði verið gagnrýnd og þurfi að fara yfir hana og þær forsendur sem séu fyrir hendi hvað varði stofnstærð stofnanna, efnahagsleg áhrif og hvort talið sé að skýrslan sé fullnægjandi.

„Og af því að þingmaður spyr hvort búið sé að taka þessa ákvörðun get ég sagt þingmanni að sú ákvörðun hefur ekki verið tekin, hún þarf að byggjast á þessum forsendum,“ sagði forsætisráðherra.

Tengdar fréttir

Hvalveiðar

Skora á forsetann að stöðva áform forsætisráðherra

• Umboðsmaður ítrekar fyrirspurn
• Hvalur hf. sækir um leyfi til hvalveiða
• Tímabært að rannsaka afrán hvala
• „Ekki gott fyrir stuðningsfólk fyrir hvalveiðum“

» Fleiri tengdar fréttir

• Blogga um frétt