„Góðar umræður“ um hvalaskýrslu
Setja bókamerki
Oddgeir Ágúst Ottesen og Sigurður Jóhannesson frá Hagfræðistofnun Háskóla Íslands voru gestir á fundi atvinnuveganefndar Alþingis í morgun þar sem rætt var um þjóðhagsleg áhrif hvalveiða.
Tilefnið var skýrsla Hagfræðistofnunar sem var unnin fyrir atvinnuvegaráðuneytið þar sem fram kom að fullyrðingar um neikvæð áhrif hvalveiða á íslenskt efnahagslífi eigi ekki við rök að styðja.
Að sögn Höllu Signýjar Kristjánsdóttur, 2. varaformanns atvinnuveganefndar Alþingis, fóru þeir Oddgeir Ágúst og Sigurður yfir skýrsluna og svöruðu spurningum um hana. Sigurður Guðjónsson, forstjóri Hafrannsóknastofnunar, og Gísli Víkingsson, hvalasérfræðingur hjá stofnuninni, voru einnig gestir fundarins.
Atvinnuveganefnd tók enga afstöðu til skýrslunnar sjálfrar heldur var einfaldlega farið yfir hana með aðstoð gestanna. „Þetta voru bara góðar umræður,“ segir Halla Signý. Engin ákvörðun hefur verið tekin um hvort fleiri gestir verði kallaðir til vegna málsins.
Ótímabundin leyfi verði líklega ekki gefin út
229 slösuðust alvarlega í umferðinni
Framboð Viktors metið gilt
Hefur ekki upplýsingar um ráðningu Karenar
Tveir milljarðar tapast vegna vatnsskorts
„Byggja varnargarð utan um fólkið okkar“
Dómari vanhæfur í Hvammsvirkjunarmáli