Frystitogarinn Kleifaberg RE-70 lagði úr höfn í gær og hefur stefnan verið tekin á Barentshaf. Skipið var í ársbyrjun svipt veiðileyfi þar sem talið var að áhöfnin hefði stundað brottkast afla.

Greint var svo frá því í Morgunblaðinu 21. janúar að ákveðið hefði verið að fresta réttaráhrifum sviptingarinnar, á meðan kæra Útgerðarfélags Reykjavíkur er til meðferðar. Tekur sviptingin að óbreyttu gildi 15. apríl.

Frétt af mbl.is

Veiðileyfissviptingu frestað

Gleðiefni að skipið haldi aftur til veiða

Skipið kom til Akureyrarhafnar um klukkan þrjú aðfaranótt þriðjudags og landaði afla sem metinn var á 283 milljónir króna.

„Það er gleðiefni að þetta mikla fiskiskip haldi aftur til veiða,“ segir Runólfur Viðar Guðmundsson, framkvæmdastjóri ÚR. Félagið fór í kæru sinni fram á að ráðuneytið felli ákvörðun Fiskistofu úr gildi og er það von félagsins að sú verði niðurstaðan, enda séu allar forsendur sviptingarinnar mjög veikar.

„Fram undan er sá árstími sem skipið hefur að jafnaði veitt um þriðjung af heildarverðmæti á ári hverju og því er mikilvægt að það komist úr höfn. Stefnt er að um 30 daga úthaldi og að skipið komi til baka með fullfermi. Aflaverðmæti eru mikil og skipta bæði útgerð og áhöfn mjög miklu máli.“

Tengdar fréttir

Eftirlit með veiðum

Viðar tekur við veiðieftirlitssviði

• Leggja til bann við heimavigtun bolfisks
• Skipstjórum óhóflega refsað öðrum til viðvörunar
• „Ég mun ekki sætta mig við einhverja áminningu“
• Leyfissvipting stytt þrátt fyrir alvarleg brot

» Fleiri tengdar fréttir

• 1 blogg um fréttina

Bloggað um fréttina

• Jóhannes Laxdal Baldvinsson: Kleifabergið gert út af ráðuneytinu