Skipið til sölu og skipverjum sagt upp

Ísfélag Vestmannaeyja hefur auglýst uppsjávarskipið Álsey VE til sölu og hefur hluta áhafnar skipsins verið sagt upp. Þetta staðfestir Stefán Friðriksson, framkvæmdastjóri Ísfélagsins, í samtali við 200 mílur.

Hann rekur ákvörðunina meðal annars til þess að útlit er fyrir að Hafrannsóknastofnun muni ekki ráðleggja neinar loðnuveiðar á þessari vertíð. 

Frétt af mbl.is

Verður gefist upp á leitinni í dag?

„Blæs ekki byrlega“

„Svo eru horfur á minnkandi verkefnum. Ekki er kominn samningur við Færeyjar um kolmunnaveiðar og þó það sé ekki beint tengt við Álsey þá eru líkur á minnkandi kvóta í náinni framtíð í makríl og norsk-íslenskri síld. Þegar maður horfir á heildarstöðuna þá blæs ekki byrlega og þessi ákvörðun er tekin í ljósi þess,“ segir Stefán.

Hann bendir á að kvarnast hafi úr áhöfninni á síðustu mánuðum, en alls eru nú átta í áhöfn skipsins. „Það má segja að hluti áhafnar fari í verkefni og pláss á öðrum skipum en öðrum skipverjum var sagt upp og þar á meðal menn sem eru búnir að vinna lengi hjá okkur. Þetta er því ekki skemmtilegt.“

Sjá Álsey í skipaskrá 200 mílna

Uppfært 17.15:

Frétt af mbl.is

Gefast upp á allri formlegri loðnuleit

• Blogga um frétt