Allir þingmenn Samfylkingar, Pírata, Viðreisnar og Flokks fólksins hafa óskað eftir að Kristján Þór Júlíusson, sjávarútvegs- og landbúnaðarráðherra, flytji skýrslu um nýtingu og vistfræðilega þýðingu loðnustofnsins á árunum 2000 til 2019.

Skýrslubeiðnin, sem er ítarleg og í alls sautján töluliðum, má sjá hér á vef Alþingis.

Í tilkynningu frá Ingu Sæland, formanni Flokks fólksins og fyrsta flutningsmanni beiðninnar, segir að ástand loðnustofnsins sé grafalvarlegt, bæði frá efnahagslegum og umhverfislegum sjónarmiðum.

„Afar mikilvægt er að þingið sem og þjóðin öll fái sem gleggstar upplýsingar um stöðu mála hvað varðar nýtingu og líffræðilega þætti sem tengjast loðnunni,“ segir Inga.

Samkvæmt þingskapalögum skuli ráðherra ljúka skýrslugerðinni innan tíu vikna eftir að skýrslubeiðnin er samþykkt.

Frétt af mbl.is

Auka þurfi þorskveiði vegna brests

Tengdar fréttir

Loðnuveiðar

Loðnumæling tafðist er Árni leitaði í var

• Fyrstu skipin til loðnumælinga
• „Við urðum örlítið varir við loðnu“
• Töf á mælingu vegna viðgerðar
• Lítið sást til loðnunnar

» Fleiri tengdar fréttir

• 1 blogg um fréttina

Bloggað um fréttina

• Valdimar Samúelsson: Ef Ísland er vel lesin þjóð getur verið að þeir …