Guardian fjallar um íslenskt laxeldi

Deilur um laxeldi í opnum sjókvíum á Íslandi hefur ratað í bresku pressuna en breska dagblaðið Guardian fjallar í löngu máli um málið á vefútgáfu sinni í dag. Þar er m.a. fjallað um nýtt frumvarp í laxeldi og rætt við framámenn frá báðum hliðum.

Meðal annars er rætt við Jón Kaldal, talsmann umhverfissjóðsins Icelandic Wildlife Fund, sem segir að verði ræktun á lax í opnum sjókvíum á miklum mæli leyft að taka yfir, muni það valda gríðarmikilli mengun og auka til muna hættuna á að eldislax sleppi.

Iðnaðurinn sagður þrýsta á vísindamenn

Þá segist Guardian hafa sannanir fyrir því að íslenskir vísindamenn í umhverfismálum hafi verið beittir þrýstingi frá iðnaðinum til þess að gera lítið úr niðurstöðum sínum.

Einnig er rætt við Kjartan Ólafsson, stjórnarformann Arnarlax, sem segir nýja frumvarpið vera mikilvægt skref til þess að laxeldisiðnaðurinn geti vaxið. Enn sé þó langt í land þar til 70.000 tonn náist, en það gerist líklega á næstu fimm til tíu árum.

Fréttina í heild má lesa hér.

• Blogga um frétt