Áhöfnin á TF-SIF, flugvél Landhelgisgæslunnar, hefur undanfarna daga staðið skipverja þriggja fiskibáta að meintu ólöglegu brottkasti. Við reglubundið eftirlit á Íslandsmiðum náðust bæði myndir og myndbönd sem sýna hið meinta brottkast. Þetta kemur fram í tilkynningu frá Landhelgisgæslunni.

Þar segir að unnið sé að rannsókn málsins og að skipstjórar fiskibátanna eiga yfir höfði sér kæru vegna athæfisins. Landhelgisgæslan og Fiskistofa hafa tekið þessi mál til sérstakrar skoðunar að undanförnu vegna gruns um að tiltekin skip stundi ólöglegt brottkast.

„Landhelgisgæslan sinnir reglulega löggæslu á hafi úr lofti með flugvélinni Sif sem hefur öflugan myndavélabúnað sem gerir áhöfninni um borð færi á að sinna eftirliti með fiskveiðum úr töluverðri hæð.

Í apríl náðust umrædd myndbönd sýna hið meinta ólöglega brottkast. Landhelgisgæslan lítur málið alvarlegum augum enda er brottkast með öllu ólíðandi þar sem um er að ræða grófa aðför að sameiginlegri auðlind okkar Íslendinga,“ segir í tilkynningu Landhelgisgæslunnar.

Skjáskot úr myndskeiði LHG

TF-SIF, flugvél Landhelgisgæslunnar er útbúin myndavélabúnaði sem gerir það mögulegt að fylgjast með fiskiskipum úr töluverðri hæð. mbl.is/Árni Sæberg

Tengdar fréttir

Eftirlit með veiðum

Viðar tekur við veiðieftirlitssviði

• Leggja til bann við heimavigtun bolfisks
• Skipstjórum óhóflega refsað öðrum til viðvörunar
• „Ég mun ekki sætta mig við einhverja áminningu“
• Leyfissvipting stytt þrátt fyrir alvarleg brot

» Fleiri tengdar fréttir

• Blogga um frétt