Lúðan aðeins að braggast

Ástand lúðustofns­ins hef­ur batnað lít­il­lega eft­ir að gripið var til aðgerða til vernd­ar stofn­in­um, en bann við bein­um veiðum á lúðu tók gildi í 2012. Auk þess var sjó­mönn­um gert skylt að sleppa líf­væn­legri lúðu.

Eft­ir sem áður kem­ur lúða í veiðarfæri og árið 2012 var 35 tonn­um af lúðu landað, að því er fram kem­ur í svari Kristjáns Þórs Júlí­us­son­ar, sjáv­ar­út­vegs- og land­búnaðarráðherra, við fyr­ir­spurn frá Ingu Sæ­land, Flokki fólks­ins, á Alþingi. Síðan hef­ur lúðuafl­inn auk­ist og þrjú síðustu ár hef­ur yfir 100 tonn­um verið landað hvert ár, mestu í fyrra eða 133 tonn­um. Stærst­ur hluti afl­ans hef­ur feng­ist í botn­vörpu og mestu verið landað í Reykja­vík, Vest­manna­eyj­um og Grund­arf­irði.

Í um­fjöll­un um mál þetta í Morg­un­blaðinu í dag kem­ur fram, að veiðibann á lúðu tók gildi í árs­byrj­un 2012 vegna slæms ástands lúðustofns­ins við landið. Fyrst voru bein­ar veiðar með lúðulínu eða haukalóð bannaðar, en þær höfðu auk­ist um­tals­vert síðustu árin fyr­ir bann. Nokkru síðar voru all­ar lúðuveiðar bannaðar. Árið 2013 var ákveðið að heim­ila lúðu í VS-afla þannig að greiðsla upp á 20% fer til út­gerðar og sjó­manna, en stærsti hluti and­virðisns fer í Verk­efna­sjóð sjáv­ar­út­vegs­ins.