KAPP ehf. og Slippurinn Akureyri ehf. hafa undirritað samning um kaup Slippsins á Optim-ICE-kælibúnaði frá KAPP. Kælibúnaðurinn fer í alls sjö skip frá fjórum útgerðum, Samherja, Bergi-Hugin, Útgerðarfélagi Akureyringa og Nergård Havfiske í Noregi. Samningurinn var undirritaður á sjávarútvegssýningunni í Brussel í gær.

Optim-ICE kælibúnaðurinn fer í tvö skip Samherja, þau Björgúlf EA-312 og Björgu EA-007, tvö skip útgerðarfélags Akureyringa, þau Kaldbak EA-1 og Harðbak EA, tvö skip Bergs-Hugins, þau Vestmannaey VE-444 og Bergey VE-544, og loks nýtt skip Nergård Havfiske í Noregi.

Frétt af mbl.is

Náðu samningi fyrir 700 milljónir

Slippurinn sér um alla framleiðslu og uppsetningu á vinnsludekki í umrædd skip en KAPP sér um framleiðslu og uppsetningu á Optim-ICE-ískrapakerfum um borð, að því er fram kemur í tilkynningu. Að sögn Ólafs Ormssonar hjá Slippnum og Freys Friðrikssonar hjá KAPP verður áhersla lögð á að hafa vinnsludekkið einfalt og skilvirkt enda skili það sér í betri og öruggari aflameðferð og minnki áhættuna á miklu viðhaldi.

Optim-ICE-kælibúnaðurinn hefur á undanförnum árum sannað sig sem sérlega góð kæling fyrir útgerðir og fiskvinnslur. Kerfið byggir á fljótandi ís sem leysir af hólmi hefðbundinn flöguís og er framleiddur um borð í skipinu. Kælingin umlykur fiskinn og heldur honum í kringum 0°C allan fiskveiðitúrinn, í löndun, í flutningum þvert í kringum landið og til annarra landa og allt til endanlegs viðskiptavinar.

Frétt af mbl.is

Gera strandhögg í austri og vestri

Tengdar fréttir

Endurnýjun skipaflotans

Gáttaðir á því hvað Hulda er gott sjóskip

• Nýr Hákon stórglæsilegur
• Hulda Björnsdóttir GK-11 á heimleið
• Sigurbjörg nýtur sólarinnar á Jónahafi
• Unnið hörðum höndum í nýjum Hákoni

» Fleiri tengdar fréttir

• Blogga um frétt