Umhverfis- og auðlindaráðuneytið óskar nú eftir umsögnum um drög að reglugerðarbreytingu sem bannar notkun svartolíu innan íslenskrar landhelgi. Auk tilætlaðs ávinnings fyrir loftslagið er breytingunni ætlað að stuðla að auknum loftgæðum við strendur Íslands og hvetja til notkunar á loftslagsvænni orkugjöfum á skipum, að því er segir í frétt á vef Stjórnarráðsins.

Fyrirhugað bann er m.a. liður í að framfylgja aðgerðaáætlun ríkisstjórnarinnar í loftslagsmálum, sem og stjórnarsáttmála, en frestur til að skila umsögnum um drögin er til 7. júní nk.

Frétt af mbl.is

Vilja Ísland í forystu um minni losun kinroks

„Svartolía“ er samheiti yfir þungar og seigar olíur sem geta innihaldið hátt hlutfall brennisteins og er svartolía m.a. notuð í skipasiglingum. Hún mengar meira en annað eldsneyti og losar mikið af sóti út í andrúmsloftið er hún brennur. 

Reglugerðarbreytingarnar kveða á um að leyfilegt brennisteinsinnihald í skipaeldsneyti sem notað er innan landhelgi Íslands og innsævis verður lækkað úr 3,5% niður í 0,1% þann 1. janúar 2020.

Frétt af mbl.is

Stefna að svartolíubanni

Sama dag eiga að taka gildi breytingar innan mengunarlögsögunnar, en utan landhelginnar lækkar leyfilegt brennisteinsinnihald í skipaeldsneyti niður í 0,5%. Þess má geta að brennisteinsinnihald þeirrar svartolíu sem var markaðssett hér á landi árið 2017 var á bilinu 0,64-1,94%, en meðaltalið á heimsvísu, samkvæmt gögnum frá Alþjóðasiglingamálastofnuninni (IMO), var 2,59%.

Tengdar fréttir

Loftslagsvá

Aðeins eitt fyrirtæki náði að uppfylla markmiðið

• Búið að dæla niður 100 tonnum í Helguvík
• 21. júlí heitasti dagur jarðar frá upphafi mælinga
• Hitamet slegið í kjölfar skógarelda
• Það er ekki allt að fara til fjandans

» Fleiri tengdar fréttir

• Blogga um frétt