Fimm japönsk hvalveiðiskip hafa lagt af stað á hrefnuveiðar í atvinnuskyni í fyrsta skiptið í áratugi, þrátt fyrir mikla gagnrýni frá alþjóðasamfélaginu.

Skipin hafa leyfi til að veiða samtals 227 hrefnur, sandreyðar og Balaenoptera brydei (íslenskt heiti vantar), en sú tegund er skyld hrefnu en þó aðeins stærri. 

Japanir stunduðu síðast hvalveiðar í atvinnuskyni árið 1986 en hafa síðan þá haldið hvalveiðum áfram í rannsóknartilgangi samkvæmt BBC. Alþjóðahvalveiðiráðið bannaði hvalveiðar í atvinnuskyni árið 1986 og hafa japönsk stjórn­völd ít­rekað, en án ár­ang­urs, reynt að fá ráðið til að samþykkja að Jap­an fái að hefja hval­veiðar í at­vinnu­skyni á ný. 

Japanar hafa nú sagt sig úr Alþjóðahvalveiðiráðinu, en úrsögnin tók gildi í gær og líkt og japönsk stjórnvöld gerðu ráð fyrir hófust hvalveiðar í dag. 

Frétt af mbl.is

Japanir segja sig úr hvalveiðiráðinu

Fjölmörg minni samfélög við strendur Japans hafa stundað hvalveiðar öldum saman, en neysla hvalkjöts færðist verulega í aukana eftir aðra heimsstyrjöldina þegar skortur var á öðrum matvælum. 

Síðan 1987 hafa Japanar veitt á bilinu 200 til 1.200 hvali árlega í skjóli undantekningar frá banni Alþjóðahvalveiðiráðsins, um hvalveiðar í rannsóknarskyni. Kjöt þeirra hvala hefur þó í flestum tilfellum endað á markaði. 

Hrefnu lyft af hvalveiðiskipi í Japan í dag. AFP

Tengdar fréttir

Hvalveiðar

Segir gjaldþrot Skagans vera áfall og skýtur á VG

• Hvalurinn er ekki að éta neitt megrunarkex
• Ráðuneytið skammti mismunandi gögn
• Afrán hvala tvöfaldast á þessari öld
• Jón segist ekki skulda Bjarkeyju

» Fleiri tengdar fréttir

• Blogga um frétt