Nýr togari ÚA sjósettur

Skipa­smíðastöðin Vard-Aukra í Nor­egi sjó­setti í dag nýj­an tog­ara Útgerðarfé­lags Ak­ur­eyr­inga sem verið hef­ur í smíðum hjá henni. Samið var um smíðina árið 2017.

Ljós­mynd/​Sam­herji

Fram kem­ur á vef Sam­herja að skipið hafi verið hannað af Vard-sam­steyp­unni í Nor­egi í sam­vinnu við eig­end­ur en það er eitt af sjö skip­um sem fjór­ar ís­lensk­ar út­gerðir tóku sig sam­an um að láta smíða. Skip­in eru 28,95 metra löng og 12 metr­ar á breidd og eru smíðuð sam­kvæmt ís­lensk­um regl­um og kröf­um flokk­un­ar­fé­lags­ins DNV GL.

„Nýji tog­ar­inn mun hljóta nafnið Harðbak­ur og fær skrá­setn­ing­ar­núm­erið EA 3. Þetta nafn og núm­er hafa tog­ar­ar ÚA áður far­sæl­lega borið. Áætluð af­hend­ing tog­ar­ans frá Vard-Aukra er um miðjan októ­ber og sigl­ir skipið þá til heima­hafn­ar. Þar tek­ur Slipp­ur­inn Ak­ur­eyri við því og sett­ur verður um borð vinnslu­búnaður, sem þar verður smíðaður. Áætlað er að Harðabak­ur hefji veiðar í byrj­un nýs árs,“ seg­ir enn­frem­ur á vefsíðunni.

• Blogga um frétt