Verið hótað refsiaðgerðum áður
Setja bókamerki
/frimg/1/52/43/1524385.jpg)
„Samstarf er nauðsynlegt ef stýra á veiðum úr deilistofnum á sjálfbæran hátt. Framganga Íslands einkennist af græðgi og ábyrgðarleysi. Þetta er ekki framganga vinaþjóðar svo ekki sé talað um þjóðar sem er hluti af Evrópska efnahagssvæðinu.“
Þetta er haft eftir Chris Davies, þingmanni Frjálslyndra demókrata í Bretlandi á þingi Evrópusambandsins og formanni sjávarútvegsnefndar þingsins, á fréttavef breska dagblaðsins The Shetland Times vegna deilu sambandsins við Ísland um makrílveiðar í norðausturhluta Atlantshafsins sem staðið hefur yfir um árabil. Lét Davies ummælin falla á nýverið eftir fund með forystumönnum sjómanna á Hjaltlandseyjum.
Lítið hefur farið fyrir makríldeilunni síðustu árin en hún var um árabil í sviðsljósinu eftir að makríll fór að ganga í miklum mæli inn í íslensku efnahagslögsöguna. Tóku íslensk stjórnvöld ákvörðun um að gefa út heimild til þess að veiða makrílinn sem var illa tekið af Evrópusambandinu sem og stjórnvöldum í Bretlandi og á Írlandi.
Tilraunir til þess að semja um veiðar í makrílstofninum runnu ítrekað út í sandinn, en Evrópusambandið taldi Íslendinga í raun ekki eiga neinn rétt á veiðum úr stofninum. Íslensk stjórnvöld sögðu á móti að stofninn gengi nú inn í íslensku lögsöguna og því eðlilegt að veiða hann. Þá æti hann fæðu frá öðrum stofnum í lögsögunni.
Refsiaðgerðum var hótað af hálfu Evrópusambandsins á árunum 2012-2013 undir þrýstingi frá hagsmunaaðilum, einkum í Skotlandi og á Írlandi, en til þeirra kom hins vegar ekki. Davies hefur nú kallað á ný eftir því að gripið verði til viðskiptaþvingana gagnvart Íslandi í kjölfar þess að íslensk stjórnvöld gáfu út makrílkvóta.
Davies mun funda með framkvæmdastjórn sambandsins 4. september eins og mbl.is greindi frá um helgina þar em hann hyggst krefjast þess að gripið verði til viðskiptaþvingana gegn Íslandi. Sjómenn á Hjaltlandseyjum hafa fagnað framgöngu þingmannsins í málinu að því er segir í frétt The Shetland Times.
Ákvörðun Trumps veldur titringi
„Ég hef verið kjaftaskur mikill“
Efla vill semja beint við dagforeldra
Ekki tekist að vernda börn þrátt fyrir vitneskju
Egyptar sigraðir og Ísland í toppmálum
Ákærður fyrir tilraun til manndráps
Náðun stuðningsmanna Trumps vekur ólík viðbrögð