„Tími til að við fáum sæti við borðið“
Setja bókamerki
/frimg/1/52/43/1524385.jpg)
„Samningsvilji Íslands er staðfastur og hverfist um að tryggja öllum sanngjarnan hlut og vernda makrílstofninn fyrir komandi kynslóðir. Það er kominn tími til að við fáum sæti við samningaborðið,“ skrifar Kristján Þór Júlíusson sjávarútvegsráðherra um makríldeiluna í aðsendri grein á vef Euractiv.
Þar segir ráðherrann alla aðila „bera sameiginlega ábyrgð á því að koma í veg fyrir ofveiði stofnsins og tryggja sjálfbærar fiskveiðar, en til þess þurfa allir aðilar að koma sér saman um sameiginlega lausn“.
Fram kemur að fulltrúar íslenskra yfirvalda muni funda með formanni fiskveiðinefndar Evrópuþingsins, Chris Davies, í Brussel í dag. Davies hefur sagst reiðubúinn til þess að krefja framkvæmdastjórn Evrópusambandsins um að Íslendingar verði beittir refsiaðgerðum vegna deilunnar. Fiskveiðinefndin fundar með fulltrúum framkvæmdastjórnarinnar á morgun.
Ítrekaðar tilraunir ekki borið árangur
Kristján Þór segir í greininni að allt frá 2014 hafi íslensk stjórnvöld leitað leiða til þess að finna lausn á makríldeilunni án árangurs. Þá hafa ítrekaðar tilraunir til að leysa deiluna mjakað viðræðum í rétta átt, en haustið 2018 var ákveðið að útiloka Íslendinga þegar Evrópusambandið, Noregur og Færeyjar endurnýjuðu samninginn um makrílstofninn.
Bendir ráðherrann á að einhliða útgáfa kvóta á makríl sé neyðarúrræði íslenskra stjórnvalda sem gripið er til vegna þess að Íslendingar eru ekki með aðild að samningnum.
„Hann neitaði ekki sök á þessum fundi“
„Það þarf einhverja viðhorfsbreytingu“
Tveggja ára fangelsi fyrir manndráp á Lúx
„Svakalega öflug lægð“
Rýna í rýmingar á morgun
Þórdís ætlar ekki að bjóða sig fram
Stefnan foreldrum „til skammar og minnkunar“