Stytta eldistíma í sjó
Setja bókamerki
Fiskeldisfyrirtækið Arctic Fish á Vestfjörðum er komið með leyfi til eldis á 12 þúsund tonnum af laxi á ári. Þegar er kynslóðaskipt eldi í þremur fjörðum, Patreksfirði, Tálknafirði og Dýrafirði. Stærðarhagkvæmni er augljós í fiskeldi og því er áfram unnið að umsóknum um aukningu. Grunnur allrar starfseminnar er ný og fullkomin seiðastöð í botni Tálknafjarðar sem byggist á vatnsendurnýtingarkerfi (RAS).
„Stærðarhagkvæmni er mikilvæg í laxeldi. Oft er rætt um að framleiðslan þurfi að vera að minnsta kosti 10 þúsund tonn. Þegar við stofnuðum fyrirtækið á árinu 2011 var það gert með þeirri framtíðarsýn að byggja upp fyrirtæki í umhverfisvænu og sjálfbæru eldi og gera einnig út á uppruna afurðanna á Íslandi og Vestfjörðum. Við erum nú að ná að sjá þá framtíðarsýn verða að veruleika,“ segir Sigurður Pétursson, framkvæmdastjóri hjá Arctic Fish og stofnandi fyrirtækisins. Hann segir að grunnurinn að þessum árangri sé gott starfsfólk, góð seiðaeldisstöð og góðar staðsetningar í sjó til framtíðaruppbyggingar.
Einstæður árangur í sumar
Sjórinn við Vestfirði er kaldur en laxeldið hefur þrátt fyrir það gengið ótrúlega vel. Sigurður tekur sem dæmi að seiði hafi verið sett út í kvíar í Patreksfirði um miðjan maí í vor. Telur hann að seiði hafi aldrei verið sett út jafn snemma hér við land. Þetta hafi verið stór seiði, eða yfir 200 grömm að jafnaði. Þau hafa fimmfaldað þyngd sína á þremur og hálfum mánuði og er fiskurinn nú um kíló að þyngd. Það telur Sigurður einstakan árangur hér á landi. Laxinum verður hægt að slátra næsta haust, eftir aðeins einn vetur í sjó.
„Eldið lagar sig að aðstæðum í hverju landi og á hverju svæði. Okkur langar til að fara þá leið að framleiða stærri seiði, 200 til 400 gramma, og stytta eldistímann í sjó. Við erum búnir að skapa okkur aðstæður til að gera það í seiðastöðinni í Norður-Botni,“ segir Sigurður.
Íslendingar vanir að klæða sig vel
JBT Marel muni einblína á tekjusamlegð
Fundaði með starfsfólki í fjóra tíma í gær
„Á allt sitt undir því að njóta trausts almennings“
Fjallvegir á Vestfjörðum og víða um land á óvissustigi
„Umferðin greinilega að þyngjast“
Neitaði sök um morð og hryðjuverk
Máttu ekki auglýsa „mesta úrvalið“ og „besta verðið“