Tollfrjáls aðgangur fyrir lax á Kínamarkaði hefur mikla þýðingu fyrir íslenskt fiskeldi, að sögn Sigurðar Péturssonar, framkvæmdastjóra hjá Arctic Fish á Vestfjörðum.

Hærra verð fæst fyrir hágæða lax á þessum markaði en í Evrópu og íslensku laxeldisfyrirtækin fá auk þess hærra skilaverð en eldisfyrirtæki í öðrum Evrópuríkjum.

Íseyjan þekkt á Kínamarkaði

Tilraunasending af laxi úr eldiskvíum Arctic Fish í Dýrafirði fór í gær með flugi frá Keflavík áleiðis til Shanghai í Kína. Er þetta fyrsti laxinn sem seldur er til Kína eftir að fríverslunarsamningur þjóðanna frá árinu 2013 tók gildi varðandi eldisafurðir og viðeigandi skráningum var lokið.

„Eins og staðan er núna er Asíumarkaður að greiða einna hæsta verðið fyrir gæðaafurðir, þónokkuð hærra verð en fæst á Evrópumarkaði. Þá veitir fríverslunarsamningurinn okkur tækifæri til að selja inn á tollfrjálsan markað sem ætti að skila okkur 10-12% hærra skilaverði,“ segir Sigurður Pétursson.

Tengdar fréttir

Fiskeldi

Arnarlax brýtur 100 þúsund tonna múrinn

• Slátrað úr kvíum við Haukadalsbót
• Fordæmalaus andstaða ekki í vegi eldis
• Sveiflukennt ár fyrir laxeldið
• Fyrstu seiðin komin í Viðlagafjöru

» Fleiri tengdar fréttir