Engar uppsagnir eru skipulagðar vegna tæknivæðingar fiskvinnslu Brims hf., segir Guðmundur Kristjánsson, forstjóri Brims. Umfangsmikil fjárfesting í nýjasta tæknibúnaði hefur verið sett á dagskrá eftir að samningur var undirritaður við Marel um uppsetningu þriggja nýrra vinnslulína í fiskvinnslu fyrirtækisins í Reykjavík. Á sú tækni að draga úr starfsmannaþörf en á móti kemur að fyrirtækið horfir til þess að auka vinnslu í Reykjavík.

Frétt af mbl.is

„Fullkomnasta vinnslustöð á heimsvísu“

Guðmundur segir vissulega vera svo að færri hendur muni þurfa að hafa aðkomu að hverjum fiski við tæknivæðingu vinnslunnar, en markmiðið sé að auka afurðir í hágæðavöru, betri nýting á hráefni og meiri afköst á hvern starfsmann vegna tæknivæðingarinnar. „Það getur verið að við aukum hráefnismagn í gegnum okkar vinnslu en erum með sama fjölda starfsmanna. En með þessari tæknivæðingu er meiri möguleiki að fyrirtækið geti borgað samkeppnishæf laun til síns starfsfólks.“

Haft er eftir Guðmund í umfjöllun ViðskiptaMoggans í dag um umfangsmiklar breytingar í rekstri Brims að tæknivæðingin muni fara fram á næsta ári og muni fækka störfum.

Á meðan framkvæmdir standa yfir mun vinnsla Brims á Granda í Reykjavík vera lokuð í nokkra mánuði og mun vinnslulína Kambs í Hafnarfirði, sem Brim festi nýverið kaup á, vera nýtt á meðan.

Frétt af mbl.is

Brim fækkar starfsfólki á næsta ári

Tengdar fréttir

Brim

Stærsta skip flotans heitir nú Þerney

• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns

» Fleiri tengdar fréttir

• Blogga um frétt