Aðstæður þröngar við sjóbjörgun í gærkvöldi

„Svona aðstæður geta verið mjög fljótar að breytast,“ segir Jens Sigurðarson, flugstjóri hjá Landhelgisgæslunni, um mannbjörg sem varð er báturinn Einar Guðnason ÍS strandaði í utanverðum Súgandafirði í gærkvöldi.

Að sögn Jens voru aðstæður til flugs góðar, bjart og lítill vindur. Vindurinn hafi þó komið inn á hlið svo ekki var hægt að snúa þyrlunni hvernig sem var.

Frétt af mbl.is

Báturinn ónýtur

Báturinn strandaði við Gölt í utanverðum Súgandafirði. „Þetta er lítil vík þar sem hann er undir hömrum, svo þetta er frekar þröngt. Að öðru leyti reyndist vélin mjög vel,“ segir Jens, en um var að ræða aðra af nýju leiguvélum Landhelgisgæslunnar, TF-EIR.

Frétt af mbl.is

Reyna að ná bátnum af strandstað

Eins og sjá má á myndskeiði sem tekið var úr þyrlunni voru aðstæður til björgunar þó nokkuð erfiðar, en þess má geta að um var að ræða fyrstu sjóbjörgun Jens. „Þetta er töluverð áskorun að fara í svona verkefni. Þú ert með fjóra menn veltandi um í briminu.“ 

„Þótt vindur hafi verið góður og bjart þá var sjólagið þannig að hann veltist töluvert mikið um. Karlagreyin þurftu bara að skorða sig af í rauninni, á meðan sigmaðurinn var að athafna sig hjá þeim,“ segir Jens, ánægður með hve vel björgunin gekk.

Frétt af mbl.is

Fjórum skipverjum bjargað

• Blogga um frétt