Skipverjarnir fengu áfallahjálp í nótt

„Skipverjarnir hafa það að minnsta kosti líkamlega gott en þetta tekur nú örugglega á sálina. Allir sluppu þeir þó heilir í land og allt í góðu með það,“ segir Óðinn Gestsson, framkvæmdastjóri útgerðarinnar Íslandssögu sem gerir út Einar Guðnason ÍS sem strandaði í utanverðum Súgandafirði í gærkvöldi.

Fjórir voru um borð í bátnum, sem veltist um í briminu á strandstað. Þeim var bjargað um borð í TF-EIR, þyrlu Landhelgisgæslunnar.

Frétt af mbl.is

Aðstæður þröngar við sjóbjörgun í gærkvöldi

„Það var vel tekið á móti þeim af björgunarfélagi Ísafjarðar og því fólki sem stendur að því,“ segir Óðinn.

Reyna að komast að bátnum síðdegis í dag

Hvað bátinn varðar segir Óðinn að mat manna sé að hann sé ónýtur. „Hann er að brotna þarna í fjörunni. Við erum að vonast til þess að komast að honum um klukkan tvö eða þrjú í dag, og sjá hvort það sé einhver glæta í að reyna björgunaraðgerðir. Við erum svartsýnir á það, við teljum að það muni bara bera beinin þarna í fjörunni.“

• Blogga um frétt