Fulltrúar íslenskra náttúruverndarsamtaka og bandaríska útivistarvöruframleiðandans Patagonia afhentu í morgun Steingrími J. Sigfússyni, forseta Alþingis, undirskriftir 180 þúsund manns sem skora á stjórnvöld að stöðva útgáfu leyfa fyrir opnu sjókvíaeldi.

Þetta kemur fram í tilkynningu.

Síðasta vor hleyptu Patagonia og WeMove af stað undirskriftarsöfnun með stuðningi íslenskra náttúruverndarsamtaka, sem meðal annars var beint til Alþingis. Þar birtist þessi áskorun:

„Til stjórnvalda og þingmanna þjóðþinga Íslands, Noregs, Skotlands og Írlands: Við sem áhyggjufullir borgarar í Evrópu skorum á ykkur að stöðva eyðingu villtra fiskistofna og nálægs lífríkis af völdum laxeldis í opnum sjókvíum. Við hvetjum ykkur til að stöðva strax útgáfu leyfa fyrir nýjum opnum sjókvíeldisstöðvum og setja fram skuldbindandi áætlun um að nema þegar útgefin leyfi úr gildi í áföngum.“

Um 180 þúsund manns hafa nú skrifað undir áskorunina sem sýnir útbreiddan stuðning almennings við að opnu sjókvíaeldi verði hætt, að því er segir í tilkynningunni.

Fulltrúar Patagonia, Icelandic Wildlife Fund, Verndarsjóðs villtra laxastofna (NASF), Landssambands veiðifélaga, Landverndar og Náttúruverndarsamtaka Íslands á Austurvelli áður en undirskriftirnar voru afhentar. Ljósmynd/Golli

Tengdar fréttir

Fiskeldi

Strokulaxar setja mark sitt á laxveiðiár

• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám
• Stefna á slátrun úr kvíum í Dýrafirði í haust

» Fleiri tengdar fréttir

• Blogga um frétt