Um tíu manns láta af störfum hjá Hafró
Setja bókamerki
Alls munu um tíu manns láta af störfum hjá Hafrannsóknastofnun samfara skipulagsbreytingum sem kynntar hafa verið.
Þetta herma heimildir mbl.is.
Í þeim hópi munu vera Ólafur Ástþórsson, fyrrverandi aðstoðarforstjóri og um tíma settur forstjóri stofnunarinnar, Þorsteinn Sigurðsson, sviðsstjóri uppsjávarlífríkis, Ásta Guðmundsdóttir, sviðsstjóri yfir gagnagrunni og upplýsingatækni og Héðinn Valdimarsson, sviðsstjóri umhverfissviðs.
Fram kemur í tilkynningu frá Hafró að með breyttu skipulagi eigi að gera reksturinn skilvirkari og hagkvæmari. Fagsviðum fækkar úr fimm í fjögur og stoðsviðum úr fjórum í tvö.
Í tengslum við flutning á starfsemi stofnunarinnar úr Reykjavík á einn stað í Hafnarfirði munu verða breytingar í rekstri stoðþjónustu stofnunarinnar. Störfum þar verður fækkað og ekki verður endurráðið í stöður sem losna á næstu mánuðum, að því er segir í tilkynningunni.
Ekki náðist í Sigurð Guðjónsson, forstjóra Hafrannsóknastofnunar, við vinnslu fréttarinnar.
Um 90 milljónir í vanskilum
„Vindar frelsis fái að leika um samfélagið“
Hafa ekki skilað betri innviðum
Buðu upp á æfingar án öryggisúttektar
Segir afstöðuna hafa komið flokknum að óvörum
Skoða meirihlutasamstarf með öðrum flokkum
Barátta Hafsteins mótaði Guðrúnu
/frimg/1/54/73/1547305.jpg)
Ætlaði að verða iðnaðarmaður