Þorsteinn Már Baldvinsson hefur sagt sig úr stjórn norska skipafélagsins Rem Offshore. Norski vefmiðillinn e24 greinir frá þessu og hefur hefur eftir Åge Remøy, stjórnanda og meðeiganda fyrirtækisins, að það segi sig sjálft hvers vegna Þorsteinn Már sé farinn úr stjórninni.

„Við höfum ekkert með Samherjamálið að gera og viljum ekki tengjast því,“ sagði Remøy og sagði Þorstein Má sjálfan hafa tekið þessa ákvörðun, en Remøy tók svo við stjórnarsetu í hans stað.

Verði niðurstaða Samherjamálsins hins vegar Þorsteini Má í vil sé hann hjartanlega velkominn á ný í stjórn Rem.

„Við vonumst til að fá hann aftur af því að það er akkur í honum og við kunnum að meta það sem hann hefur gert, þannig að við skulum sjá hver niðurstaðan verður.“

Frétt af mbl.is

Þorsteinn Már segir sig úr stjórn tveggja breskra fyrirtækja

Greint var frá því fyrr í dag að Þor­steinn Már, sem vikið hefur tímabundið sem forstjóri Samherja, hefði sagt sig úr stjórn bresku sjáv­ar­út­vegs­fyr­ir­tækj­anna Sea­gold og UK Fis­heries.

Þá var sagt frá því fyr­ir helgi að Þor­steinn Már hefði sagt sig úr stjórn Nergård, eins stærsta sjáv­ar­út­vegs­fyr­ir­tæk­is Nor­egs sem Sam­herji á 40% hlut í. Eins hef­ur hann sagt sig úr stjórn Fram­herja í Fær­eyj­um og stjórn Síld­ar­vinnsl­unn­ar.

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• Blogga um frétt