Norðureyri festir kaup á Von í stað Einars

Norðureyri ehf. á Suðureyri hefur fest kaup á Von GK 113 og mun báturinn veiða fyrir fiskvinnsluna Íslandssögu í stað Einars Guðnasonar ÍS 303 sem strandaði í utanverðum Súgandafirði kvöldið 13. nóvember. „Þetta er tímabundin ráðstöfun þangað við finnum út úr því hvernig við viljum sjá framtíðina,“ segir Óðinn Gestsson, framkvæmdastjóri Íslandssögu.

Frétt af mbl.is

Skipverjarnir fengu áfallahjálp í nótt

Fjórir voru um borð í Einari Guðnasyni þegar hann strandaði og var þeim bjargað um borð í þyrlu Landhelgisgæslu Íslands, TF-EIR.

Óðinn segist vona að Von geti haldið til veiða strax á morgun, ef ekki þá á næstu dögum. En um er að ræða trefjabát frá Trefjum í Hafnarfirði sem útbúinn er til línuveiða með beitingavél.

Ljós­mynd/​Land­helg­is­gæsl­an

„Hann er bara horfinn,“ svarar framkvæmdastjórinn spurður hver staðan sé á Einari Guðnasyni ÍS. „Það liggur alveg klárt fyrir að hann hafi verið tryggður og við fáum þá bara greitt fyrir þetta tjón. Svo kemur Von inn í þetta tímabundið og við munum bara sjá hvernig þetta verður,“ segir Óðinn að lokum.

• Blogga um frétt