Aðeins um helmingur heildarafla makríls sem veiddist á vertíðinni af íslenskum skipum var úr íslenskri lögsögu. Þetta hlutfall var enn minna í tilfelli kolmunna, en aðeins 1,7% þess afla hefur komið úr lögsögu Íslands.

Heildarafli íslenskra skipa á makrílvertíðinni sem lauk nýverið var 128 þúsund tonn sem er minni en á vertíðinni í fyrra þegar veiddust 136 þúsund tonn, að því er fram kemur á vef Fiskistofu. Vekur athygli að aðeins um 66 þúsund tonn, eða 51,3% aflans, voru veidd í íslenskri lögsögu og 61,7 þúsund tonn á alþjóðlegu hafsvæði NEAFC og 609 tonn í lögsögu Færeyja.

Aflahæsta skipið á makrílveiðunum á vertíðinni er Víkingur AK-100 með 9.463 tonn. Næst kemur Huginn VE-55 með 9.311 tonn og Venus NS-150 með 9.127 tonn.

4 þúsund tonn af kolmunna

Fram kemur í frétt á vef Fiskistofu að heildarafli íslenskra skipa í norsk-íslenskri síld er 110 þúsund tonn það sem af er ári, en aflinn var 83 þúsund tonn á síðasta ári. Aflinn er að mestu fenginn í íslenskri lögsögu eða 81 þúsund tonn.

Aflahæsta skipið í veiðum á norsk-íslenskri síld á þessari vertíð er Venur NS 150 með 11.600 tonn. Næst er Margrét EA með 10 þúsund tonn.

Guðrún Þorkellsdóttir SU á kolmunnaveiðum. mbl.is/Börkur Kjartansson

Þá segir að það sem af er ári hafa íslensk skip veitt rúm 238 þúsund tonn af kolmunna, en á sama tíma í fyrra var aflinn „talsvert meiri, eða rúmlega 269 þúsund tonn.“ Kolmunnaafli á þessari vertíð er að mestu fenginn utan íslenskrar lögsögu, 132 þúsund tonn í lögsögu Færeyja og 102 þúsund tonn í annarri lögsögu. Aðeins um 4 þúsund tonn voru veidd í íslenskri lögsögu.

Aflahæsta skipið í kolmunnaveiðum á þessari vertíð er Víkingur AK-100 með 25.366 tonn. Næst kemur Venus NS-150 með 23.346 tonn.

Tengdar fréttir

Makrílveiðar

130 þúsund tonna upphafskvóti í makríl

• Fá að færa 25% makrílkvótans á næsta ár
• Eining um heildarkvóta en ekki skiptingu
• Leggur til 22% lækkun á makrílveiðum
• Útbreiðsla makríls í íslenskri landhelgi ein sú minnsta

» Fleiri tengdar fréttir

• Blogga um frétt