Útgerðarfélag Reykjavíkur (ÚR) leggur til að hluthafar Brims hf. samþykki að fela stjórn að leita leiða til þess að auka aðkomu erlendra fjárfesta að Brimi hf. Meðal þess sem kemur til greina er að stofna félag, sem á hlut í íslensku eignarhaldsfélagi, í kauphöllina í Ósló.

ÚR, sem er eigandi 36,13% hlutafjár Brims, hefur ákveðið að leggja fyrir hlutahafafund þann 12. desember að stjórn verði falið að velja milli þriggja leiða til að „auka möguleika erlendra aðila til óbeinnar fjárfestinga í félaginu,“ að því er segir í tillögunni sem kynnt er í tilkynningu í dag.

Viðskiptablaðið sagði fyrst frá málinu.

Lagt er til að færa allan rekstur Brims hf. í dótturfélag sem er í 100% eigu þess. Kallast þessi „leið A“ og felur í sér að eftir tilfærsluna verður Brim ekki lengur útgerðarfélag heldur eignarhaldsfélag. „Skráning hlutafjár félagsins í íslenskri kauphöll verði óbreytt en erlendum aðilum þar með heimilað að eignast takmarkaðan hluta hlutafjársins,“ segir í tillögunni.

„Leið B“ er lýst þannig að stofnað verði erlent félag sem mun vera eigandi allt að 25% hlutafjár í íslensku félagi, sem á 100% hlutafjár í Brimi hf., verði tekið til skráningar og viðskipta í erlendum hlutabréfamarkaði. Er í þessu samhengi sérstaklega vísað til Óslóar í Noregi sem dæmi.

Þá er einnig lagt til undir svokallaðri „leið C“ að stjórn kanni hvort aðrar leiðir en tilgreindar hafa verið séu hagkvæmari fyrir félagið til þess að ná því markmiði að auka möguleika erlendra aðila á óbeinum fjárfestingum í Brimi.

Tengdar fréttir

Brim

7,5 milljarða fyrir kvóta

• Stærsta skip flotans heitir nú Þerney
• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%

» Fleiri tengdar fréttir

• 1 blogg um fréttina

Bloggað um fréttina

• Heimssýn: Norðmenn inn í landhelgina í boði Brims hf?