Átta þingmenn vilja láta kanna viðhorf útlendinga til áframhaldandi hvalveiða Íslendinga og áhrif hvalveiðanna á sölu á íslenskri vöru erlendis, áhuga þeirra á að ferðast til Íslands og áhrif á vörumerkið Ísland. Hafa þeir lagt fram þingsályktunartillögu þess efnis á Alþingi.

Flutningsmenn þingsályktunartillögunnar eru Þorgerður Katrín Gunnarsdóttir, Hanna Katrín Friðriksson, Jón Steindór Valdimarsson og Þorsteinn Víglundsson úr Viðreisn, Helga Vala Helgadóttir og Logi Einarsson úr Samfylkingunni, Þórhildur Sunna Ævarsdóttir úr Pírötum og Andrés Ingi Jónsson, óháður þingmaður.

Þau beina sjónum sínum sérstaklega að viðhorfi almennings í Þýskalandi, Frakklandi, Bretlandi, Kanada og Bandaríkjunum. Tillagan er orðuð þannig:

„Alþingi ályktar að fela utanríkisráðherra að láta kanna viðhorf almennings í Þýskalandi, Frakklandi, Bretlandi, Kanada og Bandaríkjunum til áframhaldandi hvalveiða Íslands og hvaða áhrif áframhaldandi veiðar geti mögulega haft á:
a.      sölu á íslenskum vörum á mörkuðum í þessum löndum,
b.      ferðamenn sem koma til Íslands eða hafa hug á því,
c.      vörumerkið Ísland.
Ráðherra kynni Alþingi niðurstöður könnunarinnar þegar þær liggja fyrir, þó eigi síðar en 1. maí 2020.“

Í greinargerð með tillögunni segir að reglugerð sem sjávarútvegsráðherra undirritaði og heimilar áframhaldandi veiðar á langreyði og hrefnu í landhelgi Íslands til næstu fimm ára sé að mati þingmannanna „meiri háttar ákvörðun“ sem þurfi að skoða betur áður en veiðar hefjist.

Tengdar fréttir

Hvalveiðar

Jón „mun ekki koma nálægt meðferð hvalamálsins“

• 40% telja veiðarnar veikja stöðu Íslendinga
• Helmingur telur leyfisveitingu óeðlilega
• Skora á forsetann að stöðva áform forsætisráðherra
• Umboðsmaður ítrekar fyrirspurn

» Fleiri tengdar fréttir

• Blogga um frétt