Náttúruverndarsamtök Íslands og Clean Arctic Alliance lýsa yfir ánægju sinni með nýja reglugerð sem umhverfisráðherra gaf út á föstudag með það að markmiði að takmarka innan 12 mílna lögsögu landsins mengun frá skipum sem inniheldur mikið magn af brennisteini.

Þetta kemur fram í tilkynningu.

Samtökin benda þó á að í reglugerðinni er að finna lagalega smugu sem gerir skipafélögum og útgerðarmönnum kleift að halda áfram að brenna svartolíu líkt og ekkert hafi í skorist og þar með menga með bruna svartolíu svo lengi sem þau notist við hreinsunartæki (scrubber) sem tekur burt brennisteininn.

Frétt af mbl.is

Bann við notkun svartolíu í landhelgi Íslands

„Þessi nýja reglugerð til að takmarka útblástur á brennisteini sem inniheldur mikið magn brennisteinsagna er jákvætt skref en reglugerðin bannar ekki losun sótagna (black carbon) sem hraða bráðnun íss og jökla á norðurslóðum og um leið loftslagsbreytingum,” sagði Árni Finnsson, formaður Náttúruverndarsamtaka Íslands.

„Eina raunhæfa lausnin er að Ísland banni algjörlega bruna og flutning á svartolíu innan eigin landhelgi (12 sjómílur) áður en samkomulag næst um alþjóðlegt bann á vettvangi Alþjóðasiglingamálastofnunarinnar (IMO). IMO tekur í vaxandi mæli þátt í umræðunni um bann við svartolíu,“ bætir hann við.

Náttúruverndarsamtök Íslands og Clean Arctic Alliance skora á ríkisstjórn Íslands að banna alla umferð skipa sem brenna eða flytja svartolíu innan 12 mílna landhelgi.

Tengdar fréttir

Mengandi hreinsibúnaður skipa

Svíar banna einnig búnað sem Íslendingar leyfa

• Skora á Guðlaug að virkja bann tafarlaust
• Sætir takmörkunum í 37 ríkjum
• Banna mengandi búnað sem leyfður er á Íslandi
• Telja losun skolvatns örugga séu skilyrði uppfyllt

» Fleiri tengdar fréttir

• Blogga um frétt