Tvöfalda eldi í stöðinni sem brann
Setja bókamerki
Tengdar fréttir
Fiskeldi
Matvælastofnun hefur unnið tillögu að rekstrarleyfi fyrir Samherja fiskeldi ehf. vegna fiskeldis á landi að Núpum í Ölfusi. Um er að ræða stækkun á eldra rekstrarleyfi úr 150 tonna seiðaeldi af laxi og bleikju í 300 tonna seiðaeldi af laxi og bleikju, segir í tilkynningu frá MAST.
Þá segir í umsögn skipulagsstofnunar að fyrirhuguð framkvæmd sé ekki líkleg til að hafa í för með sér umtalsverð umhverfisáhrif og því framkvæmdin ekki háð mati á umhverfisáhrifum.
Á grunni hússins sem brann
Áætlað er að reisa nýtt eldishús á grunni eldra húss sem brann og verður nýja húsið um 20 metrum lengra og gólfflötur stækkar um 260 fermetra.
Um þrjátíu slökkviliðsmenn börðust við eld í fiskeldisstöðinni aðfararnótt 27. júní 2018. Það var nágranni sem tilkynnti um reyk og eld í húsinu. Slökkviliðinu tókst að koma í veg fyrir að eldurinn breiddist út í nærliggjandi hús og var allan tímann bundinn við eina byggingu. Þak hennar hrundi að hluta.
Við rannsókn kom í ljós að upptök eldsins mátti rekja til rafmótors við fóðurgjafabúnað og var hluti búnaðarins haldlagður til frekari rannsóknar hjá sérfræðingi Mannvirkjastofnunar.
Töluvert tjón fylgdi brunanum og sendi Sjóvá-Almennar tryggingar út afkomuviðvörun meðal annars vegna brunans. Var tilkynningin einnig sögð tengjast öðrum stórum bruna árið 2018, en það var bruninn í húsnæði í Miðhrauni í Garðabæ. Sjóvá gerði ráð fyrir 97% samsettu hlutfalli á öðrum ársfjórðungi og 96% fyrir árið 2018.
Tengdar fréttir
Fiskeldi
Hata uppistand mest
Keypti líklega 300-400 skammbyssur af Sakka
Fundurinn notaður sem afsökun fyrir vopnavæðingu
Enn skelfur Bárðarbunga
Brást illa við afturköllun á skotvopnaleyfi
Orlofsfé Dags einsdæmi