Selstad kaupir meira í Ísfelli

Norska eignarhaldsfélagið Selstad Holding AS mun eignast meirihluta í veiðarfæraframleiðandanum Ísfelli í byrjun næsta árs. Um það hefur tekist samkomulag milli fyrirtækisins og Péturs Björnssonar sem nú fer með 57% hlut í fyrirtækinu. Selstad hefur um langt árabil verið í eigendahópi Ísfells og heldur nú á 43% hlut í fyrirtækinu. Selstad Holding AS er einnig eigandi að norska veiðarfæraframleiðandanum Selstad AS sem m.a. þróar hið byltingarkennda STREAMLINE-troll sem Ísfell hefur markaðssett hér á landi.

Heimildir ViðskiptaMoggans herma að Selstad Holding AS verði ekki eini eigandi Ísfells að loknum eigendabreytingunum. Þannig mun Guðbjartur Þórarinsson, framkvæmdastjóri félagsins, einnig koma inn í eigendahópinn.

Fréttina má lesa í heild sinni í ViðskiptaMogganum í dag.