Viðbragðsaðilum, starfsmönnum Skagafjarðarhafna og áhöfnum togara FISK Seafood, Málmeyjar og Drangeyjar, tókst að koma í veg fyrir stórtjón á skipum, mannvirkjum og fólki þegar óveðrið gekk yfir landið dagana 10. og 11. desember.

Togvírar og ofurtóg á Drangey slitnuðu ásamt því að einn bryggjupolli gaf sig. Auk þess slitnaði upp úr bryggjukantinum.

Hluti áhafnar skipanna ásamt björgunarsveit unnu að því að tryggja landfestar og var sólarhringsvakt á höfninni á meðan veðrið gekk yfir, að því er segir í fundargerð umhverfis- og samgöngunefndar Skagafjarðar.

Sjór flæddi inn 

Há sjávarstaða, áhlaðandi og mikil ölduhæð varð til þess að mikill sjór gekk á land við Skarðseyri og var Eyrin umflotin frá hringtorgi og suður fyrir FISK Seafood og flæddi meðal annars inn í húsnæði sláturhússins og FISK Seafood. Grjótgarður við Skarðseyri skemmdist töluvert og barst mikið af möl, grjóti og þara inn yfir hana.

Í Hofsóshöfn sökk bátur sökum ísingar og sjólags en ekki varð teljandi tjón á smærri bátum á Sauðárkróki.

Frétt af mbl.is

Bátur sökk í Hofsóshöfn

Úrbóta er þörf á hafnarsvæðinu vegna óveðursins, m.a. á núverandi hafnarkanti og frekari landvinninga á Eyrinni. Höfnina vantar sárlega dráttarbát sem eykur öryggi í aðstæðum sem þessum og auðveldar alla vinnu við móttöku og brottför stærri skipa, að því er kemur fram í fundargerðinni.

Tengdar fréttir

Ofsaveður í desember 2019

Færanlegar rafstöðvar efla fjarskiptaöryggi

• Áskoranir og viðbrögð vegna óveðursins
• Varaafl bætt á 68 fjarskiptastöðum
• Strengurinn bætir ástandið mikið eftir óveðrið
• Stór áfangi að ólík ráðuneyti geti unnið saman

» Fleiri tengdar fréttir

FISK Seafood

Samfélagssporið jókst um 20% milli ára

• Höfnin stendur samkeppnishæfni fyrir þrifum
• Kaupa 100 tonna kvóta af Saltveri
• 300 milljóna króna afla landað á Sauðárkróki
• Ný ytri höfn forsenda uppbyggingar

» Fleiri tengdar fréttir

• Blogga um frétt