Fiskiflotinn kominn í jólafrí

Allir togarar og öll stærri fiskiskip eru komin til hafnar, upplýsir Vaktstöð siglinga í samtali við 200 mílur. Þá eru örfáir enn að veiðum aðallega dagróðrabátar, en þeir verða að vera í landi frá og með hádegi á morgun enda ekki heimilt að vera að veiðum helgidagana. Líklegt er að einhverjir haldi til veiða aðfararnótt 27. desember.

Þá er Bárður SH-81, stærsti plastbátur landsins, nú á fullu stími frá Hafnarfirði til heimahafnar í Ólafsvík til að ná heim fyrir jólin og er hann staddur rétt sunnan við Snæfellsjökul.

Ekkert flutningaskip siglir undir íslenskum fána og því eru þau ekki bundin reglum um að vera í höfn eftir hádegi á morgun.

Víðast hvar hafa togarar verið skreyttir í tilefni jólanna og prýða heimkynni sín yfir jólin.

Skreytt skip prýða nú Reykjavíkurhöfn. mbl.is/Kristinn Magnússon

• Blogga um frétt