Útflutningsverðmæti eldisafurða fyrir fyrstu ellefu mánuði árið 2019 nema tæpum 23 milljörðum króna sem er aum 92% aukning milli ára eða 72% ef tekið er tillit til gengisáhrifa, að því er fram kemur á vef Samtaka fyrirtækja í sjávarútvegi.

Í nóvember voru útflutningsverðmæti eldisafurða 2,9 milljarðar króna eða um 100 miljónir á dag. Er um að ræða næst mestu verðmæti í stökum mánuði, en mest voru verðmætin í október þegar var flutt út fyrir um 3,1 milljarð.

Á vef samtakanna segir að gert hafi verið ráð fyrir að útflutningsverðmætin myndu nema um 24  milljörðum króna fyrir árið allt, en miðað við stöðuna sé talið líklegt að þau verði um 25 milljarðar króna.

„Efnahagsleg hagsæld Íslendinga er, sem endranær, verulega háð útflutningi og því fleiri sem stoðirnar eru og um leið fjölbreyttari, því meiri verður hún. Slíkur ábati ætti að vera enn augljóslegri eftir þau áföll sem dundu yfir stærstu útflutningsgreinar landsins á nýliðnu ári og áhrif þeirra á þjóðarbúið. Gefur því auga leið að ofangreind þróun í fiskeldi er afar kærkomin búbót við útflutningsflóru þjóðarbúsins,“ segir í færslunni.

Bent er á að fiskeldi er þó enn töluvert minna en aðrar útflutningsgreinar, hins vegar séu fyrir hendi töluverð tækifæri til þess að auka útflutningstekjurnar í framtíðinni.

Tengdar fréttir

Fiskeldi

Rannsaka mikinn seiðadauða í Fáskrúðsfirði

• 2024 líklegast metár eldisafurða
• Arnarlax brýtur 100 þúsund tonna múrinn
• Slátrað úr kvíum við Haukadalsbót
• Fordæmalaus andstaða ekki í vegi eldis

» Fleiri tengdar fréttir

• 1 blogg um fréttina

Bloggað um fréttina

• S Kristján Ingimarsson: Tækifærin eru handan við hornið