Svörin dekka spurningarnar ágætlega
Setja bókamerki
Tengdar fréttir
Rannsóknarnefnd um sölu Búnaðarbankans
Mjög eðlilegt er að fá Kristján Þór Júlíusson, sjávarútvegs- og landbúnaðarráðherra, á fund stjórnskipunar- og eftirlitsnefndar Alþingis á miðvikudag og spyrja hann nánar út í stöðu hans gagnvart útgerðarfyrirtækinu Samherja.
Þetta segir Líneik Anna Sævarsdóttir, þingmaður Framsóknarflokksins, og varaformaður stjórnskipunar- og eftirlitsnefndar.
Efni fundarins verður frumkvæðisathugun á hæfi ráðherrans. Atvinnuvega- og nýsköpunarráðuneytið hefur svarað beiðni nefndarinnar þess efnis.
Líneik Anna segist vera sátt við svör ráðuneytisins. „Mér finnst þau dekka þessar spurningar ágætlega sem við lögðum fram um meðferð stjórnsýslumála og þetta sérstaka hæfi,“ segir hún. Engu að síður sé gott að fylgja þessari athugun eftir með því að kalla ráðherra á fund nefndarinnar.
Farið yfir næstu skref
Á fundi nefndarinnar var einnig farið yfir næstu skref í tengslum við verklag ráðherra og ábendingar framkvæmdahóps FATF vegna aðgerða gegn peningaþvætti og fjármögnun hryðjuverka. Jón Steindór Valdimarsson, þingmaður Viðreisnar, var framsögumaður málsins en er nú hættur í nefndinni og Þórhildur Sunna Ævarsdóttir, þingmaður Pírata, tekin við því. Líneik reiknar með því að málið komist á dagskrá nefndarinnar í næsta mánuði.
Sömuleiðis var farið yfir næstu skref vegna skýrslu rannsóknarnefndar Alþingis um rannsókn á erlendri þátttöku í 45,8% eignarhlut í Búnaðarbanka Íslands hf. Ekki er ljóst hvenær það mál kemst á dagskrá nefndarinnar.
Tengdar fréttir
Rannsóknarnefnd um sölu Búnaðarbankans
229 slösuðust alvarlega í umferðinni
Fólk í kosningateymi Höllu fékk milljónir frá OS
Alltaf að baksa í moldinni
Samþykkir ekki vopnahléstillögu
Áskoranir tóku að berast síðasta haust
Stofna framkvæmdanefnd um málefni Grindavíkur
Tveir milljarðar tapast vegna vatnsskorts