Fulltrúar japönsku matvælaframleiðandanna Maruha, Azuma Foods og Okada Suisan voru á Íslandi í síðustu viku og hittu meðal annars Kristján Þór Júlíusson, landbúnaðar og sjávarútvegsráðherra. Á fundi þeirra ræddu fulltrúarnir stöðuna  sem hefur skapast vegna loðnubrests á Íslandi tvö ár í röð og biðluðu til ráðherra að skoða útgáfu lítils kvóta til þess að halda lífi í markaðnum.

Frétt af mbl.is

Framtíðartekjur sagðar í húfi

„Við báðum ráðherrann að skoða möguleika þess að gefa út lítinn kvóta, en við virðum það að veiðar þurfi að vera stundaðar með ábyrgum hætti á vísindalegum grunni,“ segir Hiroshi Yamazaki, framkæmdastjóri uppsjávarafurða hjá Maruha, í samtali við 200 mílur. En Maruha er stærsta matvælaframleiðandi á sviði sjávarafurða í heimi og veltir um þúsund milljörðum íslenskra króna á ári.

Hann segir afleiðingar þess að ekki fáist hráefni fyrir japanska markaðinn geta verið að fyrirtækin fari að nýta önnur hráefni og að eftirspurn neytenda eftir loðnuafurðum verði minni ef einhver þegar loðna fæst á nýjan leik.

Sendinefnd fyrirtækjanna var á Íslandi í síðustu viku. mbl.is/RAX

Fjallað verður nánar um málið í viðtali við fulltrúa fyrirtækjanna í ViðskiptaMogganum á miðvikudag.

Tengdar fréttir

Loðnuveiðar

Brellin loðna og bjartsýni horfin

• Ný loðnuleit skilar enn lægra mati
• Ekki von á að mæling leiði til breytinga
• Áfram verður leitað að loðnunni
• „Það þarf auðvitað bara að leita betur“

» Fleiri tengdar fréttir

• Blogga um frétt