Ekki var hægt að tryggja samfellda yfirferð í loðnuleiðangrinum, meðal annars sökum veðurs, og getur það haft áhrif á áreiðanleika mælinga á loðnustofninum sem fóru fram fyrir skömmu, að sögn Birkis Bárðasonar fiskifræðings.

Frétt af mbl.is

Gat á perustefni Polar Amaroq við loðnuleit

„Það er rétt að æskilegt er að ná samfelldri yfirferð yfir allt svæðið, en hinsvegar voru þetta stuttar frátafir í hvort skipti auk þess sem lítið var af loðnu á þeim svæðum sem frá þurfti að hverfa en það er sérstaklega óheppilegt ef rof verður í mælingunni þar sem mikið er af loðnu. Auk þess hindraði hafís okkur talsvert út af Vestfjörðum og því ekki hægt að útiloka að ekki sé meiri loðnu að finna. Þannig að við munum líklega ekki fá úr því skorið hversu áreiðanleg þessi mæling var fyrr en við fáum niðurstöður úr endurtekinni mælingu í febrúar,“ segir Birkir í svari við fyrirspurn við 200 mílna.

Frétt af mbl.is

Skoðað yrði að gefa út loðnukvóta

Er hann er inntur álits á því hvort hægt sé að gefa út lítinn loðnukvóta óháð mælingum og sem myndi ekki stefna stofninum í hættu, segir hann erfitt að svara þeirri spurningu. „Vandinn við það er að erfitt er að vita fyrirfram hversu lítill sá kvóti þarf að vera til að ekki sé verið að stefna stofninum í hættu og því getur verið erfitt að mæla með slíku sem hluta af ábyrgri fiskveiðistjórnun.“

Frétt af mbl.is

Framtíðartekjur sagðar í húfi

Tengdar fréttir

Loðnuveiðar

Brellin loðna og bjartsýni horfin

• Ný loðnuleit skilar enn lægra mati
• Ekki von á að mæling leiði til breytinga
• Áfram verður leitað að loðnunni
• „Það þarf auðvitað bara að leita betur“

» Fleiri tengdar fréttir

• Blogga um frétt